Belen Oronoz-en bihotzeko olerkiak
Bi urte hautan Hatsa elkarteak antolatzen duen Maite ditugun olerkariak deitu poetiko saila aintzina doa, iragan larunbatean, Belen Oronoz zelarik bere idazle gomitatua. Gure barneko sentimenak, azkarki eta finki higiarazten dizkigun olerkari bat dugu : Belen !
Bizi konkretuan, Hondarrabiarra, Euskal kantugintza berriaren ikertzalea, filologoa, euskararen erakaslea. Aldiz, poesia munduan bere nortasun ezpirituala, ezpazio tenporalitatean, inguma baten errealitatean murgiltzen da, bizi duen momento bakotxa, ezin eskuen artean atxiki liteken idatzitako elikai infinito bat diruduelarik. Maiz izarren artean, hutsune infinitoaren ixiltasunaren aztertzale, hala ere, paradoxian sartuz, oraikotasunak sortzen dituen momentoan momentoko galdera eta orroek erraietaraino galdezkatzen dute : Belen !
Imaterialtasunaren bidetan barna, bere poesiak, gizakien griñak deramazki, beharbada, biziaren zama soportatzen eta ulertzen zail zaiolakotz.
Dena den, hain soilki eta edertasun biluzi batekin irakurri dizkigun bere bihotzeko olerkiak, zinez hunkigarriak izan ziren. Segi idazten, Belen ! eta zure aztarneri jarraituz, guk ere segituko zaitugu !
|